Номгӯйи таҳлили озмоишӣ: Таҳлили клиникии хун бо формулаи лейкотситарӣ ва суръати таҳшини эритросит (бо микроскопияи молишаки хун ҳангоми ошкорсозии тағйироти патологӣ)

Рамзи таҳлили озмоишӣ: 3.9.1 (хун аз раг); 3.9.2 (хун аз капилляр)

Маводи биологӣ:
- кӯдакони то 7 сола: хун аз раг / хун аз капилляр (тибқи нишондоди махсус)
- кӯдакони аз 7 сола боло, калонсолон: хун аз раг

Муҳлати таҳлили озмоишӣ: 1 рӯз

Нарх: 34 сомонӣ бе назардошти ҷамъоварии маводи биологӣ + 5 сомонӣ ҷамъоварии маводи биологӣ

Маълумот оид ба таҳлили озмоишӣ:
Хун ин бофтаи моеъ аст, ки дар системаи хунгард гардиш дорад. Он аз моддаи моеъи байни ҳуҷайрӣ – плазма ва унсурҳои шаклӣ – эритросит, лейкосит, тромбосит иборат аст. Таркиби химиявӣ ва ҳуҷайравии хуни шахси солим нисбатан мӯътадил аст, аммо ба ҳама гуна тағйироти бадан эътино мекунад.

Таҳлили клиникии хун ин муҳимтарин таҳлили ҳамаҷонибаи озмоишӣ ҳангоми муоинаи шахси бемор аст. Нишондиҳандаҳои мавриди таҳлил қарор додашуда, чун қоида, пеш аз зуҳуроти аломатҳои беморӣ тағйир меёбанд.

Дар доираи таҳлили озмоишӣ нишондиҳандаҳои зерин муайян карда мешаванд:

- тамаркузи гемоглобин;
- миқдори эритросит;
- миқдори тромбосит;
- миқдори лейкотсит;
- гематокрит;
- ҳаҷми миёнаи эритросит;
- таркиби миёнаи гемоглобин дар эритросит;
- тамаркузи миёнаи гемоглобин дар эритросит;
- нишондиҳандаи ранги хун;
- таркиби мутлақу фоизии лейкосити мухталиф дар хун;
- суръати таҳшини эритросит.

Ба таҳлили озмоишӣ чӣ гуна бояд омода шуд?

Хунро саҳар наҳорӣ накарда супоред, дар давоми рӯз ё бегоҳ бошад 4–5 соат пас аз хӯрокхӯрӣ супоред. 1-2 рӯз пеш аз таҳлили озмоишӣ аз машруботу ғизои равғанӣ парҳез бояд кард.

Иқдом то «31» декабри соли 2021 амал мекунад.

Озмоишгоҳи «Гемотест» ҳуқуқ дорад шарту шароит ва муҳлати иқдомро тағйир диҳад.