Ташхиси ташкилоту корхонаҳо вобаста ба COVID-19


Ташхиси кормандони ташкилоту корхонаҳо вобаста ба коронавирус.



Ташхиси ташкилоту корхонаҳо вобаста ба COVID-19
Ташхиси кормандони ташкилоту корхонаҳо вобаста ба коронавирус.
Озмоишгоҳи «Гемотест» бо мақсади ташхиси COVID-19 таҳлилҳои зеринро мегузаронад
РЗП-озмоиш, молишак

Таҳлили озмоишӣ контагиозиро («сироятнокиро») муайян менамояд. Натиҷаи мусбӣ маънои онро дорад, ки вирус дар роҳҳои нафас дарёфт карда шуда, шахс ба дигарон хавфу хатар эҷод мекунад.

Маводи биологӣ: молишак аз гулӯю даҳон (ҷамъоварии маводи биологӣ алоҳида пардохта мешавад)

Шакли натиҷа: сифатӣ (дарёфт шуд / дарёфт нашуд).

Муҳлати таҳлили озмоишӣ: 1 рӯз.

Нарх: 130 сомонӣ + ҷамъоварии маводи биологӣ 5 сомонӣ.

Антителои IgG

Озмоиш муайян менамояд, ки шахс бемор аст ё бемор шуда буд.

Антителои синфи IgG дар охири ҳафтаи дуюми беморӣ пайдо шуда, пас аз сиҳатёбӣ ҳам муддати тӯлонӣ боқӣ мемонад. Агар антителои IgG дар хун мавҷуд бошад, шаҳодат аз сиҳатёбӣ ё коронавирусро аз сар гузаронидан нишон медиҳад. Ҳангоми дарёфти антителои IgG тавсия дода мешавад, ки озмоиши РЗП гузаронида шуда, «сироятёбӣ» истисно карда шавад.

Маводи биологӣ: хун аз раг (ҷамъоварии маводи биологӣ алоҳида пардохта мешавад).

Шакли натиҷа: ним-миқдорӣ, бо коэффисиенти мусбат – нишондиҳандае, ки аз рӯйи он фаҳмидан мумкин аст, ки сироят коҳиш ёфта истодааст ё идома дорад.

Муҳлати таҳлили озмоишӣ: 1 рӯз.

Нарх: 150 сомонӣ + ҷамъоварии маводи биологӣ 5 сомонӣ.
Бо мақсади ба даст овардани номгӯйи пурраи таҳлилҳои дастрас дархост гузоред.
Ба таҳлили озмоишӣ чӣ гуна бояд омода шуд?

РЗП-озмоиш, молишак

Пас аз 3 соати хӯрокхӯрӣ аз озмоиш метавонед гузаред, ҳамзамон, дар давоми ин 3 соат дандон шустан, даҳонро ғарғара кардан, нахӯрдану нӯшидан, тамоку кашидан ва сақич хоидан ҳам мумкин нест.

Озмоиши антителои IgG

Тавсия дода мешавад, ки хунро саҳар аз соати 8 то 11 наҳорӣ накарда супоред (баъди хӯрокхӯрӣ на камтар аз 8 соат бояд гузашта бошад), об нӯшидан мумкин аст. Хӯроки шоми пеш аз рӯзи таҳлили озмоишӣ бояд сабук бошад, ғизои равғанӣ нахӯред.

24 соат пеш аз таҳлили озмоишӣ машрубот нӯшидан, тамрин кардан, доруворӣ истеъмол намудан (бо духтур маслиҳат кунед) мумкин нест. 1-2 соат пеш аз таҳлили озмоишӣ аз тамокукашӣ худдорӣ намоед, асабонӣ нашавед ва худро аз ҳад монда накунед (оҳиста ба зинапоя бароед, надавед).

15 дақиқа пеш аз хунсупорӣ тавсия дода мешавад, ки дар шӯъбаи озмоишӣ нишаста, дам гиреду ором шавед.

Натиҷаи таҳлилро чӣ тавр дастрас кардан мумкин аст?

Мо натиҷаи таҳлили озмоиширо ба почтаи электрониатон мефиристем ё ин ки шумо онро худатон аз саҳифаи шахсии худ дар суроғаи: https://www.gemotest.ru/patients/result/ метавонед дастрас намоед.

Якҷоя бо шакли натиҷаи ҳама гуна таҳлили озмоишӣ, ба шумо ҳуҷҷати дигаре ҳам дода мешавад – маълумотнома оид ба натиҷаи озмоиш бо QR-рамзи дахлдор, ки имкон медиҳад аслияти чунин озмоишро тасдиқ намояд. Тибқи натиҷаи таҳлили озмоишӣ маълумотнома бо ду забон пешниҳод карда мешавад: русӣ ва англисӣ. Маълумотнома дарҳол ба почтаи электрониатон фиристода мешавад.

Дархости озмоиши кормандонро вобаста ба COVID-19 ба почтаи covid19@gemotest.tj ҳам равона кардан мумкин аст.